十月颱風高高掛

到十月重有風打，妙！
老實講，這真是三號風球的天氣嗎？
比平常三號勁好多吖！
通常打風前蛇虫鼠蟻到處跑，如果在家多見到曱甴，我係明啲。
被嚇一嚇就將佢就地正法是平常的sop。
但今次個風為我帶來蟻！
住了這裡都七八年，從來都未見過蟻。
蟻從Toilet窗的漏風位殺入嚟，我馬上用防水膠補漏，同日晚上又見到有，打完詠春已經好攰，頂你我又去補。
早上，wat？！又一條蟻路，都係係個窗邊！大佬無耶可以補啦，我揾唔到個漏風位？！
只好得閒入去殺……
知我的朋友都明我有又討厭虫，任何類型，何況有一大隊的蟻！
是日晚上我總於發現啲蟻係煤氣爐的煙囪位走入嚟！那裡我無得補……那一刻有絶對欲哭無淚的感覺，頂！真係黑完未？！
一陣間條蟻路已經殺入咗厨房，揾到個垃圾筒……
我已經起哂雞皮，＞ ＜ 我到底得罪了誰？
念住：我睇你唔到，我睇你唔到……馬上處理咗垃圾，係後樓梯見到倒垃圾的姐姐，姐姐我把我的垃圾筒先放在這裏，不要帮我掉咗佢。
攞住一支過咗期都好幾年的殺虫水出動……
殺蟻和張開封鎖線，當時已經接近十二點，根本無處可在我噴完殺虫水後躲，加上外面又大風大雨，我也無可能開窗……
真係得罪咗邊個？？？？？？？？
有人一定會講，蟻啫有乜可怕……何必搞到自己精神緊張？
不論任何情況其實都只會係我去收拾，萬一漫延開去一發不可收拾時我只會更痛苦，而且蟻通常唔會走，蟻多勢眾，我又點可以唔緊張？！
噴完殺虫水我就躲在睡房裡，我只想一覺醒來問題已經解決了。
蟻路無咗了，還有小量在偷生。
落樓買番支有效又勁的殺他死，又噴一次全方位的，好！落街食個飯。
現在要好好再清潔間屋，重有厨房的一眾碗碟，完全暴露在殺虫水的空氣中……
這個颱風玩咗我幾日，現在我還在忙中。
不知道得罪咗邊個，如果係讀緊這個blog的你，可以原諒我嗎？大人不記小人過，對不起吖！！！！