詠春

早幾年前習太極後已經好鐘意武術，覺得它博大精深。
學了詠春第四個月，腕關節靈活了，大概練圈手有點功吧。
可幸自己遇到古道熱腸的好老師，太極老師一星期教六班，一天幾班，用心用力，佢不怕你學得慢，一個月一式也可能學不會，佢最怕你打錯，做成受傷，因為佢受過不同的關節痛的苦，深明那種痛苦，所以佢係唔理進度，最重要做得啱，佢的口頭禪係：「噤樣唔得，好易受傷，幾個月就痛到不得了㗎啦！」自己又不斷努力進步。
詠春師傅自己開武館，日日都開，親力親為，一點也不欺埸又沒有架子，深深地又由底到面噤愛詠春，以發揚詠春為己任。我學過太極所以有些基本功底，師傅要細心了解我什麼會什麼不會，而且我不是一張白紙，佢不能用平常教啲鴨仔那一套。兩個功夫有各自語言，不同用力點，所以有時佢覺得我一定了解的事我係會俾個迷茫樣佢，然後佢就要'R'頭，因為沒有遇過情況，要冧吓如何教我才懂，哈哈佢對住我都幾頭痛。但我每次見識到詠春的神奇時就會好驚訝叫「嘩！師傅你好勁吖！」佢會好淡然噤答：「這些都係人人都有的能力，一啲都唔勁。你都得。」佢收人有試用期，不是你來肯俾錢就一定收，佢會問好多好多問題，我第一次去像俾被人inteview了兩個鐘……而師傅係用趕客加不繼打沈你的mode去開始對話，少啲定力係會放棄啲！但我要上山拜師，小小打擊又如何！哈哈，所以一個月後佢收咗我。
好老師有多難求，真係講都無人信噤難，大把人教太極，可以教到關節傷哂，啲人站不穩，蹲不下，我自己也遇過這樣的老師，可以他自己好勁但佢無法講你知如何做，第一次打二十四式時我也有關節痛，還以為自己打得急，走得快才這樣，後來才知我寬關節沒有開，下盤功底根本沒有鍛練過。幸好我誤會自己太急，可以只要增加歲月就可以慢下來，所以就停了沒有學，要不然，可能我已經有嚴重傷患了。
遇上這兩位好老師，真係無得頂！
我還有很多功夫想學，可惜每樣都要沈，沒有三五十年都難學到分毫。所以暫時努力學好太極同詠春先啦。