久違的求知慾

這個假期，除了看關於中醫的書，其實也有看其他。
一直以來我對很多事都好好奇，可能是星座影響，可能根性如此八。
小朋友時想做天文學家，但原來香港無得讀，邊有錢去美國讀？所以我放棄了（當然我的物理沒有很出眾的才華，但如果當時有目標，就會更努力囉！）
對世間的事超級好奇，為何啲識上上落落？當有三四架的時候佢地如何分配工作？又其實bar code的原理是什麼？為什麼古羅馬人係噤逼害啲基督徒的時間出現咗一個信了基督教的帝王？到底軍隊的編配係點，打叢林，打沙漠會係如何用兵？州際導彈是如何導航？在人人都可以用衛星看地球的年代，軍事設施如何避開衛星的追蹤？FBI如何對進行盤問？沒有冰箱的事代，食物是如何被保存……
還有很多很多。
我都覺得好有趣，都好想知道！
同朋友講時佢地會給我一個“係講真的？“的表情，係！我真係講真的，天下間真的有好多有趣的事，你地唔想知咩？？
大部份都會答，無特別興趣想知囉or你知咗就同我分享吓啦。
記得係澳洲最尾個月在melbourne乜地方都唔想去visit，躲在圖書館看耶路撒冷的爭奪史和猶太教高層在耶穌被判釘上十字架一事上有什麼角色，到底猶太人定羅馬人想耶穌死多啲？猶太人寫的書講，瘋子那麼多，殺得幾多個？所以唔關佢地事！全部都是羅馬人，而基督徒寫的就覺得是耶穌闖進了聖殿，推倒了攤檔，還說教，搗亂聖殿是大罪，所以猶太教高層要處罰耶穌，羅馬人在這事上只是帮忙行刑，有說羅馬人擔心耶穌聚集信眾成為未來的管治問題係不成立，因為當時他只有十分小量的信眾，千零人，根本不成氣候……誰對誰錯不會有人知，只是作為讀者的我知多啲，多啲反思……
其實知咗都係想滿足啲好奇心，唔係特別想分享，有時見到啲新相識的朋友佢地用力地講啲冷知識想顯示自己有幾叻時我就警惕自己千祈唔似佢地，叻又好學識廣都好係內涵，唔係到處演俾人睇囉。