傷心病

有人話感冒是傷心病。
可能我很傷心，所以病得好甘。
病發時，心跳到108，電話中的家姐只講好好休息。
我躺在床上想，如果再晚点都重無情白事跳108我就要入急症，有人伴我入院嗎？百分之百都得得自己，噤要睇吓銀包有無錢，有無身份證……通知定同事，如果我明天唔出現就當我入咗院，晚点再打俾我。
我一直在發冷……
好凍好凍，成身好痛。
瞓得好差，但我要起身去樓下中醫攞葯。
好像大氣壓力出現了異常，我覺得好重好重，成身像燃燒中的火爐，原來燒到102。
攞完葯就去買晚餐，回到家要煲定水。一覺起身兩次，身體叫我飲水。
瞓了一天，好了可以去返工！
早上媽媽打來勞氣着話佢無能力照顧我，但接著又話我鍾意一個人住，唔要人理，做乜住噤遠？我明白佢痛心我又唔開心佢自己無能力照顧我，但可以好好表達嗎？唔好罵人？我是病人。那電話讓我難受了一個早上。
下午經期不適x100倍跑出來凑熱鬧，我差啲暈倒在公司的洗手間，結果在公司休息了很久還是要撘的士回家看醫生。我問，醫生，我要死了，他答，邊有噤易！
又病多一日。
有時我想，要是我人生其實是真人show的話應該有不錯的收視，大佬，都幾有跌盪吖！
星期六好友結婚，我知我會為佢感到無比高興但情感上我無乜反應，我心情不太好。
晚宴後回到我哭了出來。
正如上個director告知我，我的心不夠強大，如果夠我會覺得自己勁叻，有能力大病的時候照顧自己，但現在我贏咗埸仗，但我哭了……重慘過輸。唉，低能。