青蛙腳

這terms是我在澳洲時遇到的台灣人告訴我，那是什麼？就是我們那些無法蹲下時腳跟着地的腳。台灣男生都很想有這缺陷，噤就唔駛當兵了。
小時候做體能測試，測柔軟度，要坐在地上双腳蹬直，身體向前伸展，看能伸多少cm，我最低要求也達不到，老師傻了眼，啊，可以來多次嗎？其實連坐直蹬直双腳這事也做不到，大佬，点伸？？只好曲曲腳，出術，老師也只眼開只眼閉由我。見同學們好relax噤完成，我才知我是殘障！！！鳴鳴鳴，成小學才知這缺陷，点做人？（你知啦，小學雞啲腦筋好單純白痴）但打擊只係一瞬間，因為我一家都做唔到，嘩！一天都光哂！！
青蛙腳對我生活沒有太大麻煩，又唔係强國人，唔需要無端端蹲低。
早年做yoga導師講她從前也有青蛙腳，但練yoga就慢慢地好起來，哇！真的嗎？我努力了一段日子，效果無乜，可能命運註定我不能蹲着輕鬆地和人聊天。轉變發生在遇上太極師父的時候，要是拍日戲就有「命運遇上」大大只字在電視畫面上，再加啲鼓聲（哈！）
太極有分上盤功和下盤功，學的四十二式對下盤功有得高的要求，同學仔一上堂就先拉腿筋熱身。第一次上堂，師父叫我先把腳抬到腰噤高的bar上，00！中正死穴！勉強做，師父對我零柔軟度都打了個突，收起驚訝的神情，她和善地說，唔緊要慢慢來，見到自己比自己年紀大一倍的同學仔更更更更更不濟，我叫自己要加加加加加倍努力去克服那難關，一定得！！（那時候畫面是海邊，大浪在我前面拍出浪花，我向無盡的長空大叫，我一定得！！！哈最近看得太多電影了！）
提腳成為我每日功課，一回家就做，好有passion，幾乎發夢也想着提腳。一個月後已有小成，我第一次在提腳到枱背時，彎腰，手指掂到腳趾！！！！做了噤多年人都未試在這
事上有任何成就， 那種高興真係勁到寫唔到出嚟，我馬上把那post影低send俾啲家姐，只要有恆心，鐵柱都可以磨成粉！  
現在我抽時間，早上和晚上各做三十分鐘拉筋和太極功課，放工唔太倦時就去游個二十分鐘的水，晚餐点？現在我肥到唔食十日早午晚都有氣有力，不過當然唔係唔食，食個輕食簡餐就算。
腳筋鬆咗連带大腿也好力咗，從前幾努力操水，游極都係唔去，現在（我自己覺得，哈哈）係飛出去！！
還有身上好多奇異痛症都有改善，原來我唔應該同青蛙做朋友。
幾年後我想同青蛙講拜拜！